Стармер по пукањето во Вашингтон: „Шокиран сум, вакви напади мора најостро да се осудат“

Британскиот премиер Кир Стармер изјави дека е „шокиран од сцените“ на синоќешната гала вечера во Вашингтон, каде што се случи вооружен напад во присуство на американскиот претседател.

Тој нагласи дека секој напад врз демократските институции и слободата на медиумите мора да биде најостро осуден.

— реклама —

„Секој напад на демократските институции или слободата на медиумите мора да се осуди со најостар можен јазик“, порача Стармер.

Во својата реакција, тој изрази и олеснување што Доналд Трамп, првата дама Меланија Трамп и останатите гости поминале без повреди.

— реклама —

Истрагата за нападот сѐ уште е во тек, а мотивот официјално не е утврден. Сепак, според информации на Си-Би-Ес, осомничениот наводно признал дека цел му биле високи функционери од администрацијата на Трамп.

— реклама —

Полицијата го идентификуваше напаѓачот како 31-годишниот Кол Томас Ален од Калифорнија, поранешен наставник и програмер на видеоигри. При приведувањето кај него биле пронајдени пушка, пиштол и повеќе ножеви.

Инцидентот кулминирал во лобито на хотелот „Вашингтон Хилтон“, кога Ален отворил оган кон припадници на Тајната служба. Еден агент бил погоден во градите, но преживеал благодарение на панцирниот елек и веќе е пуштен од болница.

— реклама —

Од Федерално истражно биро соопштија дека се вршат претреси во домот на осомничениот во Калифорнија, додека безбедносните мерки во Вашингтон се засилени.

Инцидентот предизвика силни реакции и ја отвори дебатата за безбедноста на високи политички настани во САД.