Штерјова праша какви финансиски дубари се кријат зад Лајка фест

Советничката на СДСМ, Кети Штерјова, бидејќи ЈП „Лајка“ е јавно претпријатие кое константно тоне во долгови и за кое повторно се бараат нови субвенции, побара да ѝ се достави точна финансиска информација: Колку средства од буџетот на ЈП „Лајка“ се потрошени за организација на настанот „Лајка фест“, кои здруженија и компании учествувале на настанот и по кои критериуми биле избрани, колку средства биле собрани на штандовите и дали тие средства завршиле во ЈП „Лајка“ или кај приватни здруженија?

— реклама —

„Дали е точно дека лице вработено во ЈП „Лајка“, кое истовремено е претседател на здружение, имало свој штанд на настанот и прибирало средства во корист на сопственото здружение и дали собраните пари ги донирала во Лајка и во кој износ?“, праша Штерјова.

— реклама —

— реклама —

Граѓаните, посочи, имаат право да знаат дали настанот бил организиран во јавен интерес и во корист на ЈП „Лајка“, или бил искористен за промоција и финансиска корист на привилегирани здруженија и поврзани субјекти, со народни пари.

Директорот на Лајка, не навлегувајќи во детали, одговори дека од Јавното претпријатие не е потрошен ниту денар за настанот.