Студентите најавија нов протест за државни испити на албански јазик

Студенти од универзитетите на албански наставен јазик во Македонија најавија втор масовен протест, кој ќе се одржи на 18 мај во Скопје, со барање државните испити да можат да се полагаат на албански јазик.

— реклама —

Преку социјалните мрежи, претставници на студентското движење повикаа на масовна поддршка, наведувајќи дека протестот е насочен кон остварување на, како што велат, легитимните права на студентите.

— реклама —

Меѓу главните барања се:

— реклама —

• овозможување полагање на правосудниот испит на албански јазик;

• полагање и на останатите државни испити на мајчин јазик;

• почитување на уставно загарантираните права поврзани со употребата на јазиците.

Протестот следува по претходен собир што се одржа пред еден месец пред институциите, меѓу кои и Министерство за правда и Владата.

— реклама —

Студентите тврдат дека досега не била донесена институционална одлука за исполнување на нивните барања, поради што повторно ќе протестираат во главниот град.