Судир меѓу мотоцикл и автомобил во струмичко, двајца повредени

Тешко повреден мотоциклист и повреден сопатник е билансот од сообраќајна несреќа што се случила во струмичкото село Василево.

— реклама —

Несреќата се случила помеѓу мотоцикл „хонда“, управуван од 22-годишен жител на Василево, и патничко возило „фолксваген“ со германски регистарски ознаки, управувано од 30-годишник од селото Владевци.

— реклама —

— реклама —

Во судирот, возачот на мотоциклот се здобил со тешки телесни повреди, додека неговиот сопатник, 21-годишен жител на Василево, се здобил со полесни повреди.

Повредите биле констатирани во Медицинскиот центар во Струмица, а увид на местото на несреќата извршила екипа од Полициската станица Струмица.