Судир на „Фолксваген“ и „Тојота“ во Скопје, жена заврши со тешки повреди

Една 40-годишна жена е тешко повредена во сообраќајна несреќа што вчера се случила на улицата „Христо Татарчев“ во Скопје, соопшти Министерството за внатрешни работи.

— реклама —

Несреќата била пријавена на 30 мај во 12:45 часот, а во неа учествувале патничко возило „Фолксваген“, управувано од 40-годишната Р.Т. од Скопје, и патничко возило „Тојота“, зад чиј волан била 22-годишната Г.С., исто така од Скопје.

— реклама —

— реклама —

Во судирот, Р.Т. се здобила со тешки телесни повреди, кои биле констатирани во ЈЗУ „Свети Наум Охридски“.

Увид на местото на несреќата извршила увидна екипа на СВР Скопје, а причините за сообраќајката се утврдуваат.