Швајцарија ќе исплати по 56.000 долари за жртвите од пожарот во Кранс-Монтана

Швајцарските власти најавија финансиска поддршка за повредените и за семејствата на загинатите во трагичниот пожар што изби на новогодишната ноќ во бар во ски-центарот Кранс-Монтана. Во несреќата животот го загубија 41 лице, а 115 беа повредени.

— реклама —

Владата соопшти дека ќе исплати по 56.000 долари за секое лице што починало или било хоспитализирано, наведувајќи дека станува збор за гест на солидарност и поддршка кон погодените семејства.

— реклама —

Дополнително, најавена е средба меѓу семејствата на жртвите, повредените, претставници на владата и осигурителните компании со цел да се постигне договор и да се избегнат долготрајни судски постапки. За таа намена се планирани вкупно 20 милиони долари.

— реклама —

Покрај тоа, предвидено е префрлање на 8,5 милиони долари на кантоналните власти за покривање на вонредните трошоци поврзани со интервенцијата и последиците од несреќата.

— реклама —

Според досегашните информации, пожарот избувнал кога таванот на барот се запалил од искри од прскалки. Меѓу жртвите има голем број тинејџери и странски државјани.