Тајни разговори за Иран: Нетанјаху вршел притисок врз Вашингтон

Поранешниот американски државен секретар Џон Кери изјави дека израелскиот премиер Бенјамин Нетанјаху со години вршел притисок врз американските администрации да извршат воен напад врз Иран, но дека сите претседатели пред Доналд Трамп го одбиле тоа барање.

— реклама —

Во интервју, Кери посочи дека лично учествувал во повеќе разговори со Нетанјаху, кој директно го изнел предлогот и пред Барак Обама.

— реклама —

„Претседателот Обама одби. Претседателот Џо Бајден одби. Претседателот Џорџ Буш одби. Единствениот што очигледно се согласи беше Трамп“, изјави Кери.

Според неговите наводи, Нетанјаху презентирал и конкретен план во четири точки, кој вклучувал ликвидација на раководството, поттикнување на промена на режимот и уништување на воените капацитети на Иран.

— реклама —

Кери оцени дека ваквите предлози биле тема на разговори на највисоко ниво, со учество на високи американски функционери, каде биле разгледувани различни сценарија и последици.

Овие тврдења повторно го отвораат прашањето за долгогодишните тензии меѓу Израел и Иран, но и за улогата на САД во можните воени сценарија на Блискиот Исток.