Техеран постави седум услови за отворање на Ормускиот Теснец

Иран сè уште го разгледува одговорот на САД на својот предлог за повторно отворање на Ормускиот Теснец, а Вашингтон ќе добие одговор преку посредници откако ќе заврши процесот, изјави портпаролот на иранското Министерство за надворешни работи, Есмаил Багеи.

— реклама —

Тој соопшти дека Техеран продолжува да разменува пораки со американската страна преку посредници, пренесе „Ал Џезира“.

— реклама —

Иран му доставил на Вашингтон седум услови за нормализирање на поморскиот сообраќај низ Ормускиот Теснец, најавувајќи дека тој би можел да се нормализира во рок од седум дена доколку САД ги исполнат барањата.

Меѓу главните услови се прекин на војната и непријателствата на сите фронтови, вклучително и во Либан, како и цврсти гаранции дека нападите нема да се повторат.

— реклама —

Техеран бара и укинување на американската поморска блокада на иранските пристаништа, ослободување на замрзнатиот ирански имот во странство и ублажување или укинување на санкциите, вклучително и ограничувањата за продажба на иранска нафта.

— реклама —

Другите барања се однесуваат на намалување на американскиот воен притисок врз Иран, решавање на прашањето за воена отштета и надминување на преостанатите спорни прашања во рамките на поширок договор.