Тетовец пронајден починат во хотел во Скопје

74-годишен жител на Тетово бил пронајден починат во хотел на подрачјето на Бит Пазар во Скопје, информира Министерството за внатрешни работи.

— реклама —

Според информациите од полицијата, на 1 јуни околу 11:40 часот во СВР Скопје било пријавено од Итната медицинска помош дека во хотелот е пронајдено безживотното тело на З.Ј. (74) од Тетово, кој престојувал како гостин.

— реклама —

Лекар од Итната медицинска помош констатирал смрт, при што не биле забележани видливи траги на насилство.

— реклама —

На местото бил извршен увид од надлежните служби, а по наредба на јавен обвинител телото на починатиот е предадено на обдукција, која треба да ги утврди точните причини за смртта.

Од МВР информираат дека се преземаат сите потребни мерки за целосно расчистување на случајот.