Техеран ги обвини САД и Израел за напад на здравствен центар

Иранските власти остро реагираа по нападот врз еден од најстарите истражувачки и јавно-здравствени центри на Блискиот Исток, оценувајќи го како „варварски чин“ и директен удар врз основните човечки вредности.

— реклама —

Портпаролот на Министерството за надворешни работи на Иран, Есмаил Багаеи, изјави дека станува збор за „целосно скандалозен“ и „срцепарателен, суров и презирен“ напад, за кој директно ги обвини САД и Израел.

„Ова е варварски напад врз темелните човечки вредности“, порача Багаеи.

— реклама —

Претходно, иранското Министерство за здравство соопшти дека нападот врз Институтот „Пастер“ претставува „директен напад врз меѓународната здравствена безбедност“.

— реклама —

Багаеи објави и фотографии од, како што тврди, уништувањата на објектот, но тие засега не се независно потврдени.

Вашингтон и Тел Авив засега не одговориле на обвинувањата од Техеран.