Техеран со остри пораки кон Трамп: САД мора да ги прифатат иранските барања

Портпаролот на Министерството за одбрана на Иран, бригадниот генерал Реза Талаеи-Ник, изјави дека претседателот на САД Доналд Трамп е „заглавен во мочуриште од непровоцирана агресија против Иран“.

— реклама —

Според него, американската страна нема друг избор освен да ги прифати барањата на Техеран и да ги почитува правата на иранскиот народ.

— реклама —

„Трамп е заглавен во мочуриште на неиспровоцирана агресија против Иран. Неговата рамнодушност кон националните интереси на САД, приврзаноста кон ционистичкиот режим и арогантното однесување дополнително ќе ги втурнат САД во воена криза“, изјави Талаеи-Ник, пренесува Press TV.

— реклама —

Тој додаде дека игнорирањето на, како што ги нарече, „разумните барања на иранскиот народ“ ќе доведе до дополнителни трошоци и нови порази за САД и нивните сојузници.

Според него, прифаќањето на „легитимните права“ е единствениот начин за излез од тековниот конфликт.