Бројни македонски музичари, актери и јавни личности со емотивни пораки се простија од легендарниот пејач и текстописец Владо Јаневски, кој почина вечерва на 66-годишна возраст по кратко боледување. Социјалните мрежи се преплавени со зборови на тага, благодарност и почит кон човекот чии песни оставија неизбришлива трага во македонската музика.
Дарио Панковски
„Јаневски мајсторе,
толку многу години заедно на сцена и толку многу работи сме поминале заедно, што би можел книга да напишам. Некогаш се сложувавме, понекогаш и не, но исклучително многу се почитувавме како блиски колеги.
Ти мене Панковски, јас тебе Јаневски, така си се обраќавме кога ќе се видевме, к'о бајаги официјално, а у ствари со многу скриена близина и топлина.
Ова беше пребрзо, шокантно, трагично и некако...нестварно.
Нека Ти е вечна слава мој Јаневски, многу ми е жал, многу...“
Весна Петрушевска
„Тогаш некоја темна, необјаснива сила ме извади од гробот. Не знаев кој или што е тоа. Не зборуваше, но јас го следев без отпор.
Патувавме низ бескрајниот космос. Ѕвездите светеа околу нас, а Земјата исчезна зад нас.
По долго патување, далеку во вселената, здогледав друга планета. Личеше на Земјата, но беше поубава, посветла и исполнета со мир.
Кога се доближив, видов луѓе.
Тие беа прекрасни.
Достоевски 🖤
🖤Знам дека го сакаше ....не знам што да кажам🖤ќе фалиш......
Бобан Милошески и Авалон
„Владо, ако нема некогаш и негде, ништо не си изгубил. Остануваме овде, ние, секој ден да глумиме лудило, дека е сѐ како што треба, а ништо не е и нема да биде без сите вас, кои вака тивко, а пребрзо си одите! Значи, Владо, некогаш и негде! Биди раат“
Слаткар
„Замина Владо Јаневски, еден од најголемите македонски поети на 21 век 💔
Неговите стихови и песни ќе живеат засекогаш.
Вечна му слава“
Тијана Дапчевиќ
Другарче мое…мирно патувај кон вечноста..многу ќе и недостасуваш на твоја “Тијанисимо” ..ме искрши.
Игор Џамбазов
„Збогум Владо...
Понекогаш зборовите не се доволни.
А понекогаш се излишни.
Слава ти!
И ти благодарам за се' што направи...
Каролина
„Владе мој, Збогум со мојата најомилена песна од тебе… и никогаш нема да заборавам…“,
Калиопи
„Ох…Охх,ох, оххх…..
Си замина тивко, без поздрав….
Токму кога најдобрите се најпотребни, ти заминуваш….
Ми беше другар, а јас твојата Каља, како што милуваше да ме викаш…
Многу нешта споделивме во овој живот и во следниот повторно ќе се најдеме….
НЕКОГАШ И НЕГДЕ…..
