Трагедија на Малта: Карпа се урна врз турист кој поминувал со џет-ски

Телото на 26-годишниот кинески државјанин, кој загина при уривање на познатата карпеста формација „Kissing Elephants“ на островот Комино на Малта, е извлечено од морското дно по речиси 24-часовна спасувачка акција.

— реклама —

Несреќата се случила во сабота навечер, кога младиот Кинез и неговата 27-годишна сонародничка со џет-ски се наоѓале под природниот карпест лак во моментот кога тој се урнал. Жената се здобила со тешки повреди и била пренесена во болница на островот Гозо.

— реклама —

Во близина се наоѓал и 32-годишен американски турист, кој непосредно пред уривањето скокнал во морето од карпата. Тој бил спасен од брод што се нашол во близина и поминал без повреди.

— реклама —

Во спасувачката операција учествувале нуркачи од Цивилната заштита и вооружените сили на Малта. Според надлежните служби, големите карпи што се урнале најпрво морале да бидат отстранети со кран поставен на баржа, по што нуркачите успеале да го извлечат телото.

Властите ја продолжуваат истрагата за околностите под кои се случила несреќата, а во утврдувањето на деталите се користат и снимки од безбедносни камери од блиската пловечка платформа.