ПОЧИНАТ

Почина актерот Роберт Карадин

Роберт Карадин, 71-годишен актер познат по улогите во франшизата „Одмаздата на штреберите“ и серијата „Лизи Мекгваер“ на Дизни, почина на 23 февруари по долга борба со биполарно растројство.Семејството ја потврди смртта и посочи дека сакаат неговата борба со менталното здравје да помогне во разбирјање на стигмата околу болестите. Карадин потекнува од актерско семејство, со долгогодишна кариера во филм и телевизија, а помладата публика го памети како Сем, таткото на Лизи Мекгваер.Познатите личности, меѓу кои и Хилари Даф, се збогуваа со него, истакнувајќи ја неговата топлина, хумор и поддршка кон сите околу него.

Свет | пред 14 часа

Маж почина по полициска интервенција во Нов Загреб, претходно нападнал жена на улица

Триесет и деветгодишен маж почина денеска во Нов Загреб, откако претходно се степал со друг маж во стан, а потоа нападнал жена на улица. Полицијата го совладала со употреба на сила, по што му се влошила здравствената состојба и бил пренесен во болница каде што подоцна починал, соопшти Полициската управа во Загреб.Полицијата нешто по 12 часот примила повеќе пријави за врева и тепачка на улицата Шенова во Нов Загреб. Според досегашните информации, во стан на таа адреса вербално и физички се судриле двајца мажи на возраст од 39 и 37 години. По конфликтот, постариот маж истрчал пред зградата и физички нападнал една жена.Во нејзина одбрана притекле член на семејството и сосед, кои го задржале напаѓачот до пристигнувањето на полицијата.Полициските службеници набргу пристигнале на местото, но 39-годишникот не ги почитувал нивните наредби. Тој бил совладан со употреба на физичка сила и средства за врзување.За време на интервенцијата му се слошило, по што полицајците му укажале прва помош и започнале реанимација. Била повикана и итната медицинска помош, која ја презела реанимацијата и го транспортирала во Клиничкиот болнички центар во Загреб.Од болницата подоцна било соопштено дека мажот починал. Во тек е криминалистичка истрага за утврдување на сите околности на настанот, информираше полицијата.

Свет | пред 1 седмица

Почина Тихомир Јанчовски – поетот што остави трага во македонската книжевност и култура

Поетот, писател, преведувач, професор и културен дејец Тихомир Јанчовски почина денеска во Скопје, на 58-годишна возраст. Веста за неговата смрт ја соопштија семејството и Друштвото на писателите на Македонија, кои изразија длабока тага за прераното заминување на еден од најавтентичните современи македонски автори.Јанчовски зад себе остави исклучително богато и разнолико творештво. Автор е на повеќе од триесет книги – поезија, поетски романи, преводи, како и значајното историографско дело „Историја на православното монаштво на територијата на денешна Република Македонија“, објавено во 2010 година. Само неколку дена пред неговата смрт, на 23 јануари, на својот профил на социјалните мрежи информираше дека е објавена книгата „60 икони на Мајката Божја“ од Аријан де Сен-Марк, во која тој се јавува како уредник и преведувач, најавувајќи и претстојна промоција.Во 2024 година Јанчовски одбележа 25 години книжевно творештво, а истата година, заедно со Бранислав Николов, го реализираше поетскиот перформанс „Волкот на љубовта“. Неговата поезија е застапена во бројни домашни и странски антологии и литературни списанија, а четири од неговите книги се целосно преведени. Делата на Јанчовски се преведувани на англиски, француски, словачки, хрватски, албански, босански, грчки, германски, српски, полски, грузиски, персиски и италијански јазик.Покрај книжевната работа, Јанчовски беше и посветен педагог. Од Друштвото на писателите на Македонија посочија дека тој ќе остане запаметен како еден од најомилените наставници на повеќе генерации ученици, кои ги образувал во гимназијата „Орце Николов“, во меѓународното училиште „Нова“ и во Американската гимназија во Скопје, оставајќи силен личен и интелектуален печат.Тихомир Јанчовски е роден во Скопје во 1967 година. Дипломирал на Катедрата за општа и компаративна книжевност на Универзитетот „Св. Кирил и Методиј“ во 1991 година. Специјализирал средновековни студии на Централноевропскиот универзитет во Будимпешта, а магистрирал современа историја на УКИМ во 2010 година.

Македонија | пред 3 седмици

Трагедија во струмичко: Маж починал откако паднал во шахта

Шеесет и шестгодишен маж со иницијали К.Г. е пронајден починат вчера во струмичкото село Радичево. Според информации од МВР, човекот од невнимание паднал во шахта во дворот од неговата куќа.Лекар од Итна помош констатирал смрт, истакнувајќи дека на телото нема траги на насилство. Увид на местото на настанот извршила екипа на СВР Струмица.

Македонија | пред 1 месец

Почина познатиот скопски бизнисмен Боби Ле Петит

Со длабока тага денеска Автокоманда и целата општина Гази Баба се простуваат од својот сограѓанин Боби Ле Петит (Стојковиќ). Веста за неговата смрт одекна болно низ локалната заедница, каде што важеше за синоним за хуманост, добрина и искрено пријателство.Неговото заминување остави неизбришлива празнина во срцата на сите што го познаваа. Блиските посочуваат дека Боби водел тешка животна битка, борејќи се до самиот крај, но болеста беше посилна.Градоначалникот на Општина Гази Баба, Бобан Стефковски, преку социјалните мрежи изрази длабоко сочувство и ја истакна неговата добрина:„Си замина Боби Ле Петит… Човек со големо срце, хуманист, пријател, вистински другар. Лавовски се бореше, но за жал не успеа. Не постои човек кој за него ќе каже лош збор“, напиша Стефковски.Тој додаде дека загубата на Боби е загуба за целата населба:„Денес загубивме сите, не само неговото семејство. Загуби Автокоманда и цела Гази Баба. Искрено сочувство до семејството Стојковиќ. Ќе останат спомените по кои засекогаш ќе го паметиме Боби! Збогум пријателе“, се наведува во прошталната порака.

Македонија | пред 1 месец

Почина Кирил Темков

Денеска во Скопје, на 82 години, почина професорот по филозофија, етика и естетика Кирил Темков.Темков беше познат филозоф и етичар со светско реноме, автор на голем број книги, учебници и научни дела од областа на филозофијата, етиката, менаџерството, уметноста, естетиката, џез музиката.Се залагаше за воведување на предметот Етика во училиштата.На македонски јазик ги има преведено делата на најзначајните светски филозофи и етичари, а предавал на неколку светски универзитети.За својот придонес беше добитник на повеќе признанија, меѓу кои Наградата на Град Кавадарци, орденот „Академски палми“ на Република Франција и Меѓународната награда „Гоцева мисла“.Автор е на бројни статии од областа на Филозофијата, Етиката, Естетиката и Културологијата, како и на повеќе книги: „Основите на еден нов Универзитет“, „Панорама на естетичките идеи од втората половина на 20-тиот век“, „Отворен Универзитет“.Погребот ќе биде утре од 10.30 на Градските гробишта во Бутел.

Македонија | пред 1 месец

Вработен во Противпожарната бригада Скопје пронајден починат на работно место

На 25.12.2025 во 08:00 часот во СВР Скопје е пријавено дека во просторија на Бригадата за противпожарна заштита Скопје пронајден е починат вработениот З.А.(57) од с.Мралино, општина Илинден.Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатиот било дадено на обдукција.

Скопје | пред 1 месец

Почина Крис Риа – музичка легенда и автор на „Driving Home for Christmas“

На 74-годишна возраст почина легендарниот британски пејач и текстописец Крис Риа, еден од најпрепознатливите гласови на рок и поп-сцената од крајот на 20 век. Веста за неговата смрт ја соопштија неговата сопруга и двете деца.„Тој почина денес мирно во болница по кратко боледување, опкружен со своето семејство“, се наведува во официјалното соопштение на семејството. Риа подолг период се соочуваше со сериозни здравствени проблеми, откако во 2001 година му беше дијагностициран рак на панкреас, по што му беше целосно отстранет панкреасот.Крис Риа зад себе остави богато музичко наследство и бројни хитови кои и денес се слушаат ширум светот, меѓу кои „Driving Home for Christmas“, „Fool (If You Think It’s Over)“, „Let’s Dance“ и „The Road to Hell“. Неговата кариера го доживеа врвот во доцните седумдесетти и осумдесетти години, кога стана еден од најпопуларните британски музичари.Роден е во 1951 година во Мидлсбро, во семејство со италијанско-ирско потекло. Неговото семејство се занимавало со бизнис со сладолед, а анегдотски е податокот дека Риа го положил возачкиот испит управувајќи со комбето за сладолед на неговиот татко. Во раните дваесетти години ја купил својата прва гитара „Hofner V3“ од 1961 година, со која го започнал својот професионален музички пат.Во текот на кариерата, Крис Риа објави 25 соло албуми, од кои два се искачија на првото место на британската листа на албуми. Неговиот препознатлив рапав вокал и виртуозното свирење на слајд гитара остануваат заштитен знак во песни како „Road to Hell“, „Auberge“, „On the Beach“ и „Driving Home for Christmas“.Со неговата смрт, светската музичка сцена изгуби уметник чија музика остави длабока трага и продолжува да живее низ генерациите.

Свет | пред 2 месеци

Почина еден од најпознатите актори Лазе Манасков

Со длабоко жалење, Драмски театар Скопје соопшти дека денеска почина нивниот актер и долгогодишен колега, Лазе Манасков.-Со длабоко жалење ве известуваме дека нашиот актер и долгогодишен колега Лазе Манасков почина денеска. Вечерашната изведба на претставата „Куршуми над Бродвеј” ќе биде изведена во негова чест! Нека му е вечна слава!, наведуваат од Драмски театар.Манасков е роден во 1958 година. Дипломирал на Факултетот за драмски уметности при Универзитетот „Св. Кирил и Методиј“ во Скопје, во класата на професорот Илија Милчин.Кариерата ја започнува во велешкиот театар „Јордан Хаџи Константинов – Џинот“. Во 1983 година се вработил како актер во Драмски театар – Скопје и работи сѐ до неговото пензионирање во 2022 година.Публиката ќе го памети по улогите во „Исцелител“, „Сенки“, „Трст виа Скопје“, „Еурека“, „Солунски патрдии“, Македонски народни приказни, „Преспав“, „Пусто турско“.

Македонија | пред 2 месеци

Затвореник пронајден мртов во штипскиот затвор, нема траги на насилство

Во КПУ Затвор Штип вчера претпладне бил пронајден починат 40-годишен скопјанец кој издржувал затворска казна.Затворската управа околу 10:35 часот го пријавила случајот во СВР Штип, по што на местото веднаш пристигнала екипа на Итната медицинска помош.Лекарот констатирал смрт и утврдил дека на телото нема видливи траги на насилство.Од полицијата информираат дека, по наредба на јавен обвинител, телото е предадено на обдукција со цел да се утврдат точните причини за смртта.

Македонија | пред 2 месеци

Пронајден починат 25-годишник во напуштена куќа во Центар

На 12.12.2025 околу 00:20 часот во СВР Скопје е пријавено дека во напуштена куќа на подрачјето на Центар е пронајден починат Е.Р.(25) од Скопје.Лекар од Итната медицинска помош констатирал смрт без видливи траги на насилство. Извршен е увид од увидна екипа од СВР Скопје, а по наредба на јавен обвинител телото на починатиот е дадено за обдукција.

Скопје | пред 2 месеци

По Миле Тодоров се трагаше со месеци, сега неговата сестра објави дека е починат!

Случајот со 28-годишниот Миле Тодоров од Неготино кој исчезна во јануари годинава и по кого семејството и полицијата трагаше подолго време има тажна завршница. Неговата сестра Марија објави дека е починат:„ЛЕТАЈ СО АНГЕЛИТЕ, МИЛО НАШЕ.Нашите срца ќе останат празни без твојот глас, љубов, добрина, насмевка... Болната е голема, но спомените за тебе ќе останат вечни во нашите срцаПочивај во мир и спокој. Погребот ќе се изврши на 05.12 (петок) од 12 до 13 часот“.

Македонија | пред 2 месеци

Почина д-р Илија Џонов, невропсихијатар и декан на Медицинскиот факултет

Почина проф. д-р Илија Џонов. Тој беше невропсихијатар, редовен професор, поранешен директор на Клиниката за нервни и душевни болести во Скопје, декан на Медицинскиот факултет Скопје во два мандата и поранешен директор на Клиничкиот центар Скопје.Објавил 107 научни и стручни трудови и реализирал научен проект за невромускулните болести во Македонија.Добитник е на наградата на град Скопје „13 Ноември“ во 2010 година.Проф. д-р Џонов беше член на Надзорниот одбор на „Алкалоид“ од 1998 до 2023 година.Џонов беше роден на 24 ноември 1943, во Штип.

Македонија | пред 3 месеци

Мигрант почина на скопска клиника

На 21.11.2025 во 07:50 часот во СВР Скопје, од Клиниката за нефрологија при Комплекс клиники „Мајка Тереза“- Скопје е пријавено дека на 20.11.2025 во 00:16 часот, кај нив за укажување на лекарска помош е донесен Л.Ш.(41), мигрант, кој на 21.11.2025 во 06:48 часот починал.По наредба на јавен обвинител, телото на починатиот е предадено за обдукција.

Македонија | пред 3 месеци

МВР со детали за смртта на Кире Ѓорѓиевски кој беше осуден на 13 години затвор за настаните на 27 Април

МВР денеска соопшти детали за смртта 47 годишниот Кире Ѓорѓиевски чија здравствена состојба во затворот во Штип му се влошила. Починал во Комплексот клиники „Мајка Тереза“ без траги на насилство.На 01.11.2025 во 09:30 часот во СВР Штип, од Казнено – поправната установа Затвор Штип е пријавено дека на осуденикот К.Ѓ.(47) од Скопје на 31.10.2025 му се влошила здравствената состојба и бил пренесен во Комплексот клиники „Мајка Тереза“ Скопје, каде што на 01.11.2025 починал. Лекар констатирал смрт без траги на насилство, а увид извршила увидна екипа, соопшти МВР

Магазин | пред 3 месеци