Трамп: Целиот свет ѝ се смееше на Америка, но веќе не

Американскиот претседател Доналд Трамп изјави дека САД во моментов се „најсилната“ и „најпосакуваната“ земја во светот, во објава на социјалната мрежа Truth Social.

— реклама —

Трамп ја спореди сегашната состојба со периодот на администрацијата на Џо Бајден, тврдејќи дека тогаш Америка била „мртва“ и „исмејувана низ целиот свет“.

— реклама —

„Но веќе не – никој не се смее“, напиша Трамп, потпишувајќи се како „Претседател DJT“.

— реклама —

Претходно денеска, Трамп се огласи и за ситуацијата со Иран, откако Техеран соопшти дека Ормускиот теснец повторно е отворен за целосна пловидба. Тој порача дека теснецот е „целосно отворен и подготвен за работа“, но и дека американската поморска блокада поврзана со Иран ќе остане во сила.

— реклама —

Според Трамп, блокадата ќе трае сѐ додека американската „трансакција“ со Иран не биде целосно завршена, додавајќи дека процесот треба да оди брзо бидејќи, како што тврди, поголемиот дел од клучните точки веќе се договорени.