Трамп го коментира заминувањето на Стармер: „Сериозно потфрли“

По информациите дека британскиот премиер Кир Стармер во понеделник ќе поднесе оставка, реагираше и американскиот претседател Доналд Трамп.

— реклама —

Преку својата социјална мрежа Truth Social, Трамп оцени дека Стармер сериозно потфрлил во две клучни области.

„Кир Стармер ќе поднесе оставка од функцијата премиер на Обединетото Кралство. Сериозно потфрли во две многу важни прашања – имиграцијата и енергетиката, односно нафтата од Северното Море“, напиша Трамп.

— реклама —

Од кабинетот на британскиот премиер во Даунинг стрит 10 утринава соопштија дека ставот на Стармер не е променет од петокот, кога вети дека ќе продолжи да се бори и да ја извршува својата функција.

— реклама —

Британскиот министер Питер Кајл изјави дека Стармер дел од викендот го поминал размислувајќи за „политичката реалност“.

Трамп и претходно во неколку наврати го критикуваше британскиот премиер, особено во врска со прашањата поврзани со Блискиот Исток. Во една од своите претходни изјави, американскиот претседател го нарече Стармер „слаб“, тврдејќи дека мора постојано да се консултира со својот тим пред да донесе одлуки.

Осврнувајќи се на можноста Обединетото Кралство да испрати два носачи на авиони на Блискиот Исток, Трамп порача дека на САД повеќе не им се потребни сојузници кои се приклучуваат во конфликти откако битките веќе се добиени.