Трамп го нападна НАТО: Бевте бескорисни кога беше најважно

Американскиот претседател Доналд Трамп упати остри критики кон НАТО во серија објави на социјалната мрежа Truth Social, отфрлајќи ја понудената помош од сојузниците за ситуацијата во Ормускиот теснец.

— реклама —

Трамп наведе дека по смирувањето на кризата добил повик од НАТО со прашање дали на САД им е потребна помош, на што, според неговите зборови, одговорил да „се држат подалеку“, освен ако не сакаат само да ги наполнат своите бродови со нафта.

— реклама —

„Беа бескорисни кога беше најважно, тигар од хартија“, напиша Трамп, алудирајќи на Алијансата.

— реклама —

Неговите реакции доаѓаат откако британскиот премиер Кир Стармер и францускиот претседател Емануел Макрон најавија дека Велика Британија и Франција би можеле да предводат одбранбена мисија за заштита на пловидбата во регионот.

— реклама —

Тензиите меѓу Трамп и европските сојузници дополнително се засилија по претходното одбивање на дел од европските членки на НАТО да се приклучат на американската воена акција за повторно отворање на теснецот, кој Иран претходно го затвори по почетокот на американските напади.