Трамп: Иран досега ќе имаше нуклеарно оружје да не го укинев договорот на Обама

Американскиот претседател Доналд Трамп изјави дека Иран веќе би поседувал нуклеарно оружје доколку тој не го укинал нуклеарниот договор што го постигна администрацијата на Барак Обама.

— реклама —

Во објава на својата платформа „Трут соушал“, Трамп наведе дека светот денес би бил „целосно поинакво место“ ако не бил раскинат, како што го нарече, „ужасниот“ договор со Техеран.

— реклама —

„Иран ќе имаше нуклеарно оружје уште пред три години“, напиша Трамп, оценувајќи дека договорот бил „најопасната трансакција во која некогаш сме влегле“.

— реклама —

Тој ги обвини поранешниот претседател Обама и актуелниот претседател Џо Бајден за, како што тврди, создавање услови за зајакнување на иранската закана. На крајот од објавата, Трамп иронично си упати благодарност самиот на себе за одлуката да го раскине договорот.

— реклама —

Нуклеарниот договор со Иран, формално познат како Заеднички сеопфатен план за акција, беше постигнат во 2015 година меѓу Техеран и светските сили, но администрацијата на Трамп се повлече од него во 2018 година, повторно воведувајќи строги санкции кон Иран.