Трамп: Иран побара средба со САД, разговорите утре во Доха

Американскиот претседател Доналд Трамп објави дека претставници на Иран побарале состанок со американската страна и дека разговорите треба да се одржат утре во катарската престолнина Доха.

— реклама —

„Иран побара состанок. Ќе се одржи утре во Доха!“, напиша Трамп на социјалната мрежа „Трут соушл“.

— реклама —

Најавата доаѓа откако Иран претходно се повлече од учество во техничките преговори во Швајцарија, по американските напади врз ирански цели. Подоцна, повеќе американски медиуми, повикувајќи се на неименувани американски претставници, објавија дека Техеран повторно покажал подготвеност за продолжување на разговорите.

Сепак, заменик-министерот за надворешни работи на Иран, Казем Гарибабади, изјави дека состаноците на техничката работна група во рамките на меморандумот за разбирање не се закажани за оваа недела, пренесе иранската агенција Тасним.

— реклама —

Гарибабади нагласи дека консултациите меѓу Иран и Катар во врска со обврските на САД продолжуваат според предвидениот план, но дека разговорите на техничката работна група во Доха сè уште не се официјално потврдени.

Претходно, извор запознаен со разговорите изјави за Ројтерс дека иранските и американските тимови кои работат на спроведувањето на меморандумот за разбирање би можеле да се сретнат во наредните денови во Доха.