Трамп најави „голема изјава“ за Русија – се подготвува нова стратегија?

Американскиот претседател Доналд Трамп денеска ќе даде „голема изјава“ поврзана со Русија, најави за NBC News, без да открие детали за што точно ќе стане збор.

— реклама —

„Ова е шоуто на Трамп“, коментира дописникот на Sky News, Марк Стоун. „Тој го води темпото, менува насоки кога сака, и може неочекувано да преземе сосема поинаков курс по кој било прашање.“

Во последните недели, Трамп сè почесто јавно ја изразува својата фрустрација поради одбивањето на рускиот претседател Владимир Путин да прифати прекин на огнот во Украина.

— реклама —

Порталот Axios претходно објави дека Трамп разгледува опција за објавување нов пакет воена помош за Украина – што би претставувало значителен пресврт во неговиот пристап.

— реклама —

Денешната „голема изјава“ можеби е поврзана со евентуален договор за испорака на оружје, со оглед на тоа што денеска во Вашингтон престојуваат холандскиот премиер Марк Руте и германскиот министер за одбрана.

Во меѓувреме, во американскиот Конгрес се пробива и нов предлог-закон за проширување на санкциите против Русија, кој оваа недела доби дополнителна политичка поддршка.

— реклама —

Се очекува дали Трамп ќе застане зад новите санкции или ќе ја користи изјавата за да претстави алтернативна стратегија за Москва и Киев.