Трамп најави можен договор со Иран

Американскиот претседател Доналд Трамп изјави дека примирјето меѓу Израел и Либан го вклучува и Хезболах, додавајќи дека очекува да се сретне со израелскиот и либанскиот лидер, но без да прецизира датум.

— реклама —

Тој пред новинарите пред Белата куќа рече и дека преговорите со Иран напредуваат, наведувајќи дека Техеран се согласил дека нема да поседува нуклеарно оружје. Според него, договорот што се договара „има вредност за повеќе од 20 години“, а шансите за постигнување договор ги оцени како многу добри.

— реклама —

Трамп додаде дека следната средба со иранската делегација би можела да се одржи за време на викендот, нагласувајќи дека со Иран има „добра соработка“.

Во однос на прашањето за примирјето, тој изјави дека не е сигурен дали е потребно продолжување, но дека САД се подготвени да реагираат доколку биде потребно.

— реклама —

Тој го опиша примирјето како „возбудливо“ и порача дека американската морнарица успешно спроведува операции за ограничување на движењето на иранските бродови, што според него значително ја намалува можноста Техеран да функционира економски.

— реклама —

Во дел од изјавите Трамп се осврна и на критиките од папата Лав, истакнувајќи дека не мора да се согласува со него и дека неговата политика ја води според сопствено убедување.