Трамп најверојатно меѓу кандидатите за Нобеловата награда за мир

Американскиот претседател Доналд Трамп веројатно ќе се најде меѓу номинираните за Нобеловата награда за мир за оваа година, јавува Ројтерс.

— реклама —

Секретарот на Норвешкиот Нобелов комитет, Кристијан Берг Харпвикен, соопшти дека за наградата ќе се разгледуваат вкупно 287 кандидати, од кои 208 се поединци, а 79 организации.

— реклама —

Тој посочи дека една од карактеристиките на процесот е постојаното обновување на листата на кандидати, додавајќи дека наградата останува релевантна и покрај зголемениот број конфликти во светот и притисоците врз меѓународната соработка.

— реклама —

Според информациите, лидери од Камбоџа, Израел и Пакистан изјавиле дека го номинирале Трамп, но од Комитетот не потврдуваат дали тој официјално е на листата.

— реклама —

Добитникот на Нобеловата награда за мир ќе биде објавен на 9 октомври, а свечената церемонија ќе се одржи на 10 декември.