Трамп: Не спиев на состанокот, само ми беше досадно

Дали спиел или му било досадно? За американскиот претседател Доналд Трамп, сè, како што вели, е во очите на набљудувачот.

Трамп изјави дека не спиел, туку му било досадно, за време на состанок на владата во декември, кога повеќе пати ги затворил очите.

— реклама —

„Некои рекоа ги затворил очите. Видете, беше прилично досадно“, изјави Трамп

— реклама —

„Не спиев. Само ги затворив очите затоа што сакав да се оддалечам од таму. Не спиев. Не спијам многу“, додаде тој.

Со 79 години и во својот последен мандат, Трамп се обидува да ги отстрани сомнежите за сопствената виталност.

— реклама —

Во претходните администрации, владините состаноци обично биле затворени за камерите и сметани за рутински.

— реклама —

За Трамп, тие станаа своевидна сцена на која тој и неговиот тим ги истакнуваат достигнувањата за кои сметаат дека медиумите не им посветуваат доволно внимание.

Во еден случај минатата година, состанокот во живо на телевизија траеше повеќе од три часа, што веројатно било негово најдолго јавно појавување пред камерите.