Трамп објави договор со Путин за милиони тони дизел и најави рекорден пад на цените

Американскиот претседател Доналд Трамп соопшти дека во разговорот со рускиот претседател Владимир Путин била договорена испорака на повеќе милиони тони дизел-гориво за американскиот и светскиот пазар, очекувајќи дека тоа ќе придонесе за брзо намалување на цените.

Трамп наведе дека Русија веднаш ќе испорача повеќе од 300.000 тони дизел-гориво, уште 500.000 тони во текот на ноември, а потоа и дополнителен милион тони.

— реклама —

Според неговите зборови, во краток рок е предвидена и испорака на уште три милиони тони, во зависност од состојбата на руските рафинерии за преработка на дизел.

— реклама —

„Благодарение на нашата целосна контрола врз Ормускиот Теснец и оваа голема вест за руските енергенси, цените на дизелот за Американците, но и за целиот свет, ќе паднат во рекорден обем и тоа многу брзо“, напиша Трамп во објава.

Американскиот претседател истакна дека пониските цени на горивата, особено за земјоделците, сточарите и превозниците, се еден од неговите главни приоритети.

— реклама —

Во истата објава, Трамп повтори дека Иран нема да има нуклеарно оружје.

Москва ја потврди подготвеноста да продолжи со испораките на нафта и нафтени деривати за американскиот и светскиот пазар, оценувајќи дека тоа би можело позитивно да влијае врз глобалната економија.

Како што е наведено на официјалната веб-страница на претседателот на Руската Федерација, потврдена е и подготвеноста за продолжување на директните контакти меѓу двајцата претседатели, како и за соработка меѓу нивните администрации, разузнавачките служби и другите надлежни институции.