Трамп по лекарскиот преглед: Сè е совршено

Американскиот претседател Доналд Трамп изјави дека „сè е совршено“ по извршениот лекарски преглед во Националниот воен медицински центар „Волтер Рид“.

— реклама —

Трамп, кој следниот месец ќе наполни 80 години, не откри детали од прегледот, туку само кратко се огласи на својата платформа Truth Social, каде што напиша дека прегледот е завршен.

— реклама —

Американскиот претседател често се претставува како поенергичен и во подобра форма од неговиот претходник Џо Бајден, кој минатата година ја напушти функцијата на 82-годишна возраст.

Сепак, неодамнешните фотографии на кои се забележува осип на вратот на Трамп повторно отворија прашања за неговата здравствена состојба. Претходно во јавноста се појавија и снимки од отечени зглобови и модринки на раката, прикривани со шминка.

— реклама —

Трамп, кој роденденот го слави на 14 јуни, во јануари 2025 година ќе стане највозрасната личност што ја презела функцијата претседател на САД.

— реклама —

Посетата на медицинскиот центар „Волтер Рид“ беше негов трет лекарски преглед во последните 13 месеци.