Трамп предупредува за сложен процес на извлекување на иранските резерви ураниум

Американскиот претседател Доналд Трамп изјави дека извлекувањето на иранските резерви на ураниум ќе претставува „долг и тежок процес“, по американските напади врз објекти поврзани со нуклеарната програма на Иран.

— реклама —

Трамп на својата социјална мрежа „Truth Social“ наведе дека операцијата „Полноќен чекан“, спроведена во јуни минатата година, довела до, како што тврди, целосно уништување на иранските нуклеарни капацитети, поради што процесот на извлекување на нуклеарниот материјал ќе биде сложен и долготраен.

— реклама —

— реклама —

Тој во своите објави често го користи изразот „нуклеарен прав“ кога се осврнува на иранските резерви на збогатен ураниум.

— реклама —

Во меѓувреме, портпаролката на Белата куќа, Каролин Ливит, изјави дека САД никогаш не биле поблиску до постигнување договор со Иран, и покрај неизвесноста околу евентуалното продолжување на преговорите.