Американскиот претседател Доналд Трамп повторно предизвика внимание со предлог поврзан со преименување на географски објект – овојпат предложи Ормускиот Теснец да го добие неговото име.
„Сега, откако го контролираме, дали треба Ормускиот Теснец да го преименуваме во ‘Теснец Трамп’?“, напиша Трамп на својата платформа „Трут соушал“. Неговиот предлог е објавен на 2 септември.
Трамп и претходно предложи промени на имиња на географски објекти. Пред неколку дена потпиша извршна наредба со која езерото Онтарио, кое се протега долж границата меѓу САД и Канада, во американските официјални документи е преименувано во „Езеро Америка“.
Предлогот за Ормускиот Теснец доаѓа во услови на ескалација на конфликтот меѓу САД и Иран. Трамп во последните недели повеќепати тврдеше дека САД имаат контрола врз стратешкиот воден пат.
Ормускиот Теснец е од клучно значење за поморскиот транспорт и енергенсите од регионот на Персискиот Залив. Според актуелните извештаи, неговото функционирање е нарушено во рамките на воениот конфликт, кој започна на 28 февруари со израелско-американските напади врз Иран.
