Трамп се огради од поранешната амбасадорка во Грција: „Таа не е член на моето семејство“

Американскиот претседател Доналд Трамп јавно се дистанцираше од Кимберли Гилфојл, која поднесе оставка од функцијата американска амбасадорка во Грција, отфрлајќи ги тврдењата дека таа била речиси член на неговото семејство.

— реклама —

Одговарајќи на новинарско прашање за обвинувањата поврзани со Гилфојл, Трамп изјави дека таа не била член на неговото семејство, туку дека, колку што знае, одамна била во врска со неговиот син, Доналд Трамп Помладиот.

„Не, таа не беше член на моето семејство. Колку што знам, одамна беше во врска со мојот син“, изјави американскиот претседател.

— реклама —

Гилфојл во вторникот поднесе оставка по неколкунеделни негативни медиумски написи. Меѓу нив беа и извештаи на британскиот весник „Дејли мејл“ дека таа била предмет на истрага од страна на генералниот инспектор поради нејзиниот начин на живот и навиките за трошење пари за време на престојот во Атина.

— реклама —

Гилфојл започна врска со Доналд Трамп Помладиот во 2018 година, неколку месеци откако тој се раздели од сопругата Ванеса. Двајцата набргу станаа препознатлив пар во движењето МАГА, кое го поддржува Доналд Трамп.

Трамп Помладиот ја запроси Гилфојл на новогодишната прослава во 2020 година, но до брак никогаш не дојде. По шест години врска, нивниот однос постепено се распадна, а кон крајот на 2024 година тој започна нова врска со Бетина Андерсон, припадничка на високото општество во Палм Бич.

Афери и обвинувања за луксузни подароци: Амбасадорката на Трамп во Грција заминува од функцијата

Американската амбасадорка во Грција, Кимберли Гилфојл, поднесе оставка откако Белата куќа потврди дека претседателот Доналд Трамп побарал таа да ја напушти функцијата.Гилфојл, поранешна свршеница на Доналд Трамп Помладиот, соопшти дека функцијата амбасадорка на САД во Грција била голема чест за неа. Во објава на социјалната мрежа Икс им се заблагодари на Трамп и на државниот секретар Марко Рубио за укажаната можност.Таа ги отфрли обвинувањата за неправилности што во изминатите недели се појавија

Свет | пред 2 часа