Трамп: Уништивме десет ирански бродови за поставување мини

Американскиот претседател Доналд Трамп изјави дека американските сили погодиле и „целосно уништиле“ десет ирански бродови наменети за поставување морски мини.

— реклама —

Според неговата објава, станува збор за неактивни бродови за поставување мини, а американските сили ќе продолжат со нападите врз иранските цели.

— реклама —

Само неколку минути претходно, Трамп објави дека засега нема извештаи дека Иран навистина поставил мини во Ормускиот теснец, но предупреди дека доколку тоа се случило, тие мора веднаш да бидат отстранети.

— реклама —

Тој истакна дека во спротивно Иран ќе се соочи со воени последици „на ниво какво досега не било видено“.

Ормускиот теснец претставува една од најважните светски поморски рути за транспорт на нафта и енергенси, па секоја закана за негово затворање предизвикува силни реакции на меѓународната сцена и на енергетските пазари.