Трамп: „Воопшто не размислувам за ураниумот, тој е длабоко под земја“

Американскиот претседател Доналд Трамп изјави дека не размислува за иранските резерви на високо збогатен ураниум, нагласувајќи дека тие се наоѓаат длабоко под земја и тешко можат да бидат достигнати.

— реклама —

Тој во телефонско интервју за американски медиум посочи дека, според неговите информации, овие резерви се доволно заштитени, и покрај загриженоста на експертите кои предупредуваат дека нивното обезбедување е клучно за спречување на евентуален развој на нуклеарно оружје.

— реклама —

„Воопшто не размислувам за тоа. Знам само дека е толку длабоко закопан што ќе биде многу тешко да се достигне“, изјави Трамп.

— реклама —

Тој се осврна и на претходните американски напади врз иранските нуклеарни постројки, за кои се верува дека се поврзани со складирањето на овие материјали.

„Тоа е длабоко долу... Дури ни без војна тоа не успеале да го направат. Значи... прилично е безбедно. Но ќе донесеме одлука“, изјави Трамп.