(Видео) Трамп за Ормускиот теснец: „Не ме прашувајте за тоа“

Американскиот претседател Доналд Трамп одби да коментира дали Иран навистина го затворил Ормускиот теснец, откако беше прашан за тоа во интервју за Си-ен-ен.

На прашањето на водителот Џејк Тапер дали информациите за затворањето на теснецот се точни, Трамп кусо одговори:

— реклама —

„Колку што се однесува до нас, тој е отворен.“

Кога водителот се обиде да добие дополнително појаснување, Трамп ја прекина темата.

— реклама —

„Не зборувајте за тоа. Зборувајте за причината поради која ме поканивте“, рече американскиот претседател.

— реклама —

Трамп гостуваше во програмата за да зборува за смртта на републиканскиот сенатор Линдзи Греам, кој почина во саботата. Греам важеше за еден од неговите најблиски политички соработници и беше меѓу најгласните поддржувачи на остар пристап кон Иран.

Во меѓувреме, според телевизијата Ал Џезира, која се повикува на податоци од аналитичката платформа „Кплер“, бродскиот сообраќај низ Ормускиот Теснец е значително намален и е на најниско ниво во последните неколку недели.

Во неделата низ теснецот поминале само шест пловни објекти, меѓу кои и два големи танкери што превезувале околу два милиони барели иранска сурова нафта и 500.000 барели нафтени деривати од Кувајт. Според истите податоци, уште три празни танкери влегле во Персискиот Залив за да натоварат нафта.