Три активни пожари во Македонија, два се под контрола

Три пожари на отворен простор се активни во Македонија до 13 часот, додека два се ставени под контрола, информира Центарот за управување со кризи.

— реклама —

Според податоците на ЦУК, во текот на денот се регистрирани вкупно седум пожари на отворен простор. Покрај трите активни и двата пожари под контрола, два пожари се целосно изгаснати.

— реклама —

Активни се пожарите во Општина Штип, во близина на селото Лакавица, каде гори ниска вегетација, во Општина Македонски Брод, на местото Видуш во близина на селото Драгов Дол, каде се зафатени сува трева, нискостеблеста шума и грмушки, како и во Општина Неготино, на воениот полигон Криволак, каде гори ниска вегетација.

Под контрола се пожарот на излезот од Крива Паланка, кај депонијата, како и пожарот на градската депонија во Делчево.

— реклама —

Во меѓувреме, изгаснати се пожарите на патот пред РЕК Битола во Општина Новаци, каде горела ниска вегетација, и во местото Кулата во Општина Велес, каде биле зафатени нискостеблеста поретка шума и сува трева.

— реклама —

Надлежните служби продолжуваат со активностите за гаснење и контрола на пожарите.