Три лица спасени од надојдената Црна Река кај Кавадарци, за кратко време водата надојде над два метра

Три лица биле доведени во опасност откако нагло се зголемило нивото на Црна Река кај Кавадарци, по испуштањето вода од ХЕЦ „Тиквеш“.

— реклама —

Лицата во моментот се наоѓале под мостот, во речното корито, но по зголемувањето на нивото на водата за повеќе од два метра успеале да се искачат на бетонскиот дел од мостот.

На местото пристигнале екипи на ТППЕ Кавадарци, кои со брза и професионална интервенција успешно ги извлекле трите лица и ги префрлиле на безбедно место.

— реклама —

За среќа, во настанот нема повредени.

— реклама —

Благодарност до припадниците на ТППЕ Кавадарци за навремената реакција и професионалноста при спасувањето човечки животи.