Три лица загинаа во израелски напад со беспилотно летало врз градот Кан Јунис во јужниот дел на Појасот Газа, додека уште најмалку петмина се повредени во одделен напад врз градот Газа, јави палестинската новинска агенција ВАФА.
Според информациите, израелски дрон нападнал група луѓе во областа Ал Маваси во Кан Јунис, при што три лица го загубиле животот, а неколкумина биле повредени.
ВАФА наведува дека во посебно израелско гранатирање на истата област биле ранети и други Палестинци.
Во меѓувреме, во северниот дел на Појасот Газа, пет лица се повредени во израелски напад на улицата „Јармук“ во градот Газа, се додава во извештајот.
