Уапсен кумановец: Два дена држел познаник затворен, го принудувал орално да го задоволува и да конзумира дрога

Триесет и петгодишен жител на Куманово е лишен од слобода под сомнение дека противправно држел 36-годишен кумановец во својот дом, каде што го физички малтретирал, го принудувал да користи дрога и на сексуални дејствија.

— реклама —

Од Министерството за внатрешни работи информираат дека на 31 мај во 21:15 часот полициски службеници од СВР Куманово го привеле Д.П. (35) од Куманово.

— реклама —

Според пријавеното, од 23 часот на 29 мај до 07 часот на 31 мај, осомничениот без согласност и со употреба на сила го држел својот 36-годишен познаник во својот дом.

Во текот на тој период, како што наведува МВР, Д.П. повеќепати физички го напаѓал оштетениот, го принудувал да користи дрога и на орални сексуални дејствија.

— реклама —

При приведувањето, кај осомничениот биле пронајдени и одземени марихуана, мобилен телефон со траги од бела прашкаста материја, како и други предмети за кои постои сомнение дека се поврзани со случајот.

Осомничениот е задржан во полициска станица, а по целосното документирање на настанот против него ќе биде поднесена соодветна кривична пријава.