Уапсени 14 возачи за безобѕирно управување возило

Во текот на изминатото деноноќие, на целата територија на државата, полициски службеници лишија од слобода 14 возачи поради безобѕирно управување возило, информираат од МВР.

— реклама —

Од нив, девет лица управувале возило без возачка дозвола, тројца биле под дејство на алкохол, а двајца имале активна забрана за управување со возило.

Во Скопје, Прилеп, Велес, Гевгелија, Валандово и Тетово се евидентирани случаи на возење без дозвола. Во Тетово, возачот претходно учествувал и во сообраќајна незгода со возилото што го управувал.

— реклама —

Во Скопје, Охрид и Неготино се лишени од слобода возачи кои управувале под дејство на алкохол, при што возачот во Охрид предизвикал и сообраќајна незгода.

— реклама —

Во Битола и Кичево се приведени возачи кои управувале возило со активна забрана.

По целосно документирање на случаите ќе бидат поднесени соодветни пријави, соопшти МВР.

Од Министерството апелираат до сите учесници во сообраќајот да ги почитуваат правилата и прописите и да не управуваат возила без дозвола, под дејство на алкохол или со изречена забрана.