Удар за администрацијата на Трамп пред изборите: Судот забрани притисоци врз изборните службеници

Американската судијка Трина Томпсон му забрани на Министерството за правда да им се заканува со кривично гонење на изборните службеници кои не постапуваат по барањата на администрацијата на американскиот претседател Доналд Трамп.

Одлуката доаѓа само неколку дена пред американските избори на средината на претседателскиот мандат, кои ќе одлучат кој ќе ја има контролата врз Конгресот. Републиканците во моментов имаат тесно мнозинство и во Претставничкиот дом и во Сенатот.

— реклама —

Одлуката ја донесе окружната судијка Трина Томпсон, постапувајќи по тужба поднесена од синдикатите на вработените во изборниот процес и неколку други организации.

Томпсон оценила дека Министерството за правда ги пречекорило своите овластувања со заканите за кривично гонење на службениците кои не соработуваат со иницијативите на администрацијата на Трамп.

— реклама —

„Јавноста има исклучителен интерес изборните службеници и вработените да можат да ја извршуваат својата работа во согласност со федералните закони и изборните процедури, особено имајќи предвид дека до изборниот ден остануваат само неколку дена“, навела судијката во привремената судска забрана.

Меѓу другото, судијката ѝ забранила на администрацијата да бара отстранување на гласачи од избирачките списоци, одбивање на гласачки ливчиња или нивно издвојување врз основа на список на лица за кои администрацијата тврди дека не се американски државјани.

— реклама —

Администрацијата на Трамп во изминатите месеци вршела притисок врз сојузните држави да достават податоци за регистрираните гласачи, со образложение дека се потребни построги мерки за спречување на изборни злоупотреби и зачувување на довербата на јавноста.

Сепак, потезите на администрацијата предизвикале критики од експерти и изборни службеници, вклучително и од одредени републиканци, кои сметаат дека федералната власт ги пречекорува своите овластувања и навлегува во надлежностите на сојузните држави.

Судијката Трина Томпсон била именувана на функцијата од поранешниот американски претседател Џозеф Бајден.

Министерството за правда засега не ја коментирало судската одлука.