Уганда поради ебола ја затвори границата со Конго

Уганда ја затвори границата со Демократска Република Конго со цел да го спречи ширењето на ебола, соопшти угандската влада.

Границата ќе остане затворена во наредните четири недели за сите, освен за лекари, хуманитарни и безбедносни операции, како и за транспорт на храна и стока.

— реклама —

Властите соопштија дека секое лице кое ќе добие дозвола за влез од Конго во Уганда ќе мора да помине 21-дневна изолација.

Во Уганда досега се регистрирани седум случаи на зараза со ебола и еден смртен случај, откако вирусот почна да се шири од покраината Итури во Конго.

— реклама —

Според податоците на Светската здравствена организација, во Конго се регистрирани повеќе од 900 заразени лица и 220 починати.

— реклама —

Светската здравствена организација ја прогласи епидемијата на реткиот сој Бундибугио на ебола за меѓународна вонредна состојба.