Украина очекува нова европска помош од 90 милијарди евра

Украинскиот претседател Володимир Зеленски изјави дека борбените дејства на фронтот продолжуваат и дека Русија подготвува нови напади.

„Денеска немаше прекин на огнот на фронтот, се водеа борби. Гледаме дека Русија, за жал, се подготвува за нови напади“, изјави Зеленски во своето вечерно обраќање, пренесува „Суспилне“.

— реклама —

Тој посочи дека бил одржан состанок на украинскиот Врховен команден штаб, на кој главна тема била руската употреба на авиобомби и зајакнувањето на противвоздушната одбрана на Украина.

Според Зеленски, Киев работи на развој на сопствени технолошки решенија за да може „реципрочно да одговори“ на руските напади.

— реклама —

Украинскиот претседател додаде дека Украина продолжува соработката со САД во дипломатскиот и технолошкиот сектор, како и со повеќе меѓународни партнери во областа на одбранбената индустрија.

— реклама —

Тој наведе дека околу 20 држави веќе учествуваат во проекти за развој на дронови со Украина, а во тек се подготовки за нови договори, меѓу кои и со Канада.

„Веќе имаме политички договори со некои земји, а ќе има и договори со производители. Нашата воена експертиза веќе дава резултати“, изјави Зеленски.

— реклама —

Тој додаде дека се водат разговори со европски држави и со САД за производство на противракетни системи на украинска територија, а една од стратешките цели е Украина самостојно да произведува системи за противвоздушна одбрана.

Според Зеленски, Украина очекува и нови транши помош од европскиот пакет вреден 90 милијарди евра, додека во исто време се подготвува и реформа на армијата, која треба да започне во јуни.