Васиќ Бозаџиева и без противкандидатката не доби поддршка за претседателка на Уставен суд

Судијката Ана Павловска-Данева се повлече од трката за претседател на Уставниот суд, потврдија претпладнево од Судот. Сепак, и покрај оваа нова околност, која доаѓа по викенд-паузата, нејзината, условно кажано, противкандидатка Татјана Васиќ-Босаџиева, повторно не успеала да го добие потребното мнозинство гласови за да биде избрана на чело на Уставниот суд.

— реклама —

Имено, според информациите од Уставен, во денешниот прв круг од гласањето како единствен кандидат за функцијата претседател била предложена само Васиќ-Бозаџиева.

— реклама —

— реклама —

Сепак, по гласањето, таа повторно го немала потребното двотретинско мнозинство, односно за неа не гласале најмалку шест од вкупно деветтемина судии кои го сочинуваат Уставниот суд.

— реклама —

Според најавите, попладне треба да се одржи нов круг гласање на кој секој уставен судија може да предложи свој кандидат за функцијата претседател.