Велешката полиција откри нелегално оружје, поднесена кривична пријава

СВР Велес поднесе кривична пријава против О.С. од велешкото село Бузалково поради сомнение за сторено кривично дело „неовластено изработување, држење, посредување и тргување со оружје и експлозивни материи“.

— реклама —

Според информациите од Министерството за внатрешни работи, на 26 јануари 2025 година полициски службеници од Отсекот за недозволена трговија при СВР Велес извршиле претрес во домот во кој живее пријавениот.

— реклама —

При претресот бил пронајден и одземен пиштол „Застава“ со калибар 7,62 милиметри.

— реклама —

По преземените мерки и активности и документирањето на случајот, СВР Велес поднела кривична пријава против осомничениот.