(Видео) Ајкула стана туристичка атракција: Милион луѓе ја следат нејзината судбина

Ајкулата која на 18 септември била забележана во тесен канал во крајбрежен парк во Бусан, веќе речиси три недели одбива да го напушти каналот, и покрај обидите на локалните власти да ја спасат.

Ајкулата, која жителите ја нарекле „Бук-анг-и“, според Северното пристаниште, според податоците на градските власти привлекла повеќе од 1,02 милиони посетители во паркот, пренесува „Јонхап“.

— реклама —

Локалната поморска полиција и властите најпрво се обиделе да ја истераат од каналот, но подоцна започнале спасувачка операција поради стравувањата дека подолгиот престој во тесниот простор би можел да ја загрози нејзината издржливост.

— реклама —

При првиот обид, на 29 септември, пет пловила користеле млазови вода за да ја насочат ајкулата кон отвореното море, но таа ги избегнувала водените млазови, па операцијата била прекината по околу пет часа.

— реклама —

Во вториот обид, во петокот, спасувачкиот тим користел мрежа долга 50 и висока 6,8 метри.

Мрежата, сепак, се заглавила на дното на каналот, а ајкулата не се обидела да си замине.

— реклама —

Спасувачите на крајот ја отстраниле мрежата за да ѝ овозможат сама да излезе, но без успех.

Националниот институт за наука за рибарството соопштил дека секојдневно ја следи здравствената состојба на ајкулата и дека засега не се забележани сериозни проблеми.