Силно невреме проследено со поројни врнежи ги погоди западните и централните делови на Романија, при што корнеше дрвја, носеше покриви и предизвика поплави.
Силна бура проследена со поројни дождови вчера ги погоди западните и централните делови на Романија, корнејќи дрвја и носејќи покриви, објавија романските медиуми.
Најголема штета е причинета во градот Алешд, во округот Бихор, во западна Романија, каде што невремето однело дел од покривот на железничката станица. Во градот паѓал и град, објави „Диги 24“.
Пожарникарите интервенирале во отстранувањето на паднати дрвја и гранки.
За округот Бихор денеска е издадено црвено предупредување поради обилни врнежи, при што се очекуваат од 25 до 30 литри дожд на квадратен метар.
И во градот Брашов, во централна Романија, невремето корнело дрвја, а големото количество врнежи предизвикало поплави во одредени објекти.
Во Темишвар, во западна Романија, пожарникарите исто така интервенирале за отстранување на паднати дрвја.
