(Видео) Дејвид Гета со спектакл во Скопје ја заокружи прославата за 35 години независност

Со илјадници телефони кренати во воздух, силни светлосни ефекти и громогласни реакции од публиката, Скопје синоќа го пречека Дејвид Гета. Францускиот диџеј, продуцент и хитмејкер со двочасовниот настап на стадионот „Тодор Проески“ ја заокружи прославата на 35 години независност на Македонија.

— реклама —

Пред околу 50 илјади луѓе, Гета го претстави спектакуларниот „The Monolith Stadium Show“, во кој музиката беше надополнета со пиротехника, светлосни ефекти и впечатливи визуелни елементи.

— реклама —

Публиката уште од 20 часот постепено се загреваше за главниот настап, а атмосферата ја создаваа домашните диџеи Семпре и Никифор. Во своите сетови, соодветно на празничната атмосфера, тие вклучија бројни ремикси на познати македонски поп-хитови.

Долгоочекуваното појавување на Гета следуваше по 22:30 часот. Неговото излегување на сцената беше проследено со громогласни вресоци и воодушевување од публиката, која со нетрпение го очекуваше настапот на една од најголемите ѕвезди на современата популарна музика.

— реклама —

Со неговиот двочасовен спектакл, на стадионот „Тодор Проески“ беше ставена завршната точка на празничната прослава, во вечер исполнета со музика, спектакл и илјадници посетители.

— реклама —

View this post on Instagram