(Видео) Филипче: Фон дер Лајен му ја одзеде лагата на Мицкоски за македонскиот идентитет

Претседателот на СДСМ, Венко Филипче, на денешната прес-конференција оцени дека посетата на претседателката на Европската комисија, Урсула фон дер Лајен, ги побила тврдењата на премиерот Христијан Мицкоски дека македонскиот идентитет е загрозен.

На прес-конференција, Филипче го обвини Мицкоски дека повеќе не може да се претставува како политичар кој ги штити националните интереси, бидејќи, како што рече, тие се заштитени и никој не може да ги одземе.

— реклама —

„Нема Христијан повеќе што да лаже. Не може повеќе да глуми патриот кој ги штити националните интереси, поради тоа што вистината е дека тие се заштитени и никој, никогаш, на ниту еден начин, нема да може да ни ги одземе. Христијан не е задоволен од посетата, нормално, затоа што претседателката Фон дер Лајен му ја одзеде лагата“, рече Филипче.

Тој се осврна и на претходните ставови на Мицкоски за Преспанскиот договор, потсетувајќи на неговите ветувања дека договорот ќе биде поништен поради, како што тврдеше, загрозеност на идентитетот.

— реклама —

Според Филипче, ставовите што ги застапува СДСМ за заштитата на македонскиот идентитет и јазик биле потврдени, а како пример го посочи Преспанскиот договор и договорот Фронтекс, кој, како што наведе, е потпишан на македонски јазик.

— реклама —

„Се потврди сè што зборувавме досега. Идентитетот зачуван, потврден со Преспанскиот договор. Јазикот потврден со договорот Фронтекс, потпишан на чист македонски јазик“, истакна Филипче.

Лидерот на СДСМ оцени и дека задржувањето на државата во изолација негативно влијае врз нејзината иднина и интересите на граѓаните.

— реклама —

„Не напредуваме, стоиме во место. Поминуваат шансите покрај нас, а младите луѓе се селат. Ние тонеме во сиромаштија. Нека не го губи времето повеќе на државата Христијан Мицкоски, затоа што ниту е патриот, ниту ги штити националните интереси“, рече Филипче.