(Видео) Голем пожар на градилиште во Дубаи

Пожар избувна на градилиште на облакодер во близина на хотелот „Ал Хабтур“ во областа Дубаи Марина, при што густ црн чад бил видлив над тој дел од градот уште во 7:30 часот наутро по локално време.

— реклама —

Оперативниот центар на цивилната заштита во Дубаи примил пријава за пожарот во 7:06 часот, по што пожарникарските екипи од станицата Ал Марса веднаш биле испратени на местото на настанот. Според првичните информации од надлежните служби, се работи за пожар со среден интензитет во објект што сè уште е во изградба.

— реклама —

Пожарникарите брзо интервенирале за да спречат ширење на огнот кон околните објекти. За среќа, во инцидентот нема повредени лица. Снимки од големиот столб црн чад што се издигнал над градилиштето брзо се појавија на социјалните мрежи и предизвикаа големо внимание.

— реклама —