(Видео) Хаос во албанскиот парламент: Факели, свирчиња и блокирана говорница, Рама одбива оставка

Политичките тензии во Албанија продолжуваат да растат, додека студентските протести влегуваат во 18-тиот ден, а опозицијата предизвика прекин на работата на парламентот со блокада на собраниската говорница, факели и свирчиња.

— реклама —

Албанскиот премиер Еди Рама повторно ги повика демонстрантите на дијалог, но истовремено јасно стави до знаење дека не размислува за оставка, иако тоа останува нивно главно барање.

На социјалните мрежи Рама објави фотографии од поставени столчиња пред зградата на премиерската канцеларија, испраќајќи покана за разговори со студентите, кои досега ги одбиваа неговите повици.

— реклама —

— реклама —

Во меѓувреме, на денешната пленарна седница на албанскиот парламент дојде до инциденти. Пратениците од опозицијата ја блокираа говорницата, запалија факели и употребија свирчиња за да го попречат утврдениот дневен ред. Поради нарушувањето на работата, седницата беше прекината двапати.

Студентските протести во Албанија во изминатите денови беа проследени со судири со полицијата, приведувања, тензии и повредени учесници. На протестното движење се приклучија и универзитетски професори, кои најавија бојкот на наставата на факултетите.