(Видео) Хорор во Франција: 15-годишник остана без шака за време на ученички протест

Петнаесетгодишен ученик остана без шака за време на судирите меѓу средношколци и полицијата при интервенцијата за растурање на демонстрациите во северна Франција.

Инцидентот се случил денеска претпладне во близина на средното стручно училиште „Огист Бехал“ во Ленс, еден ден пред најавениот национален протест на ученичките синдикати.

— реклама —

Според првичните информации, тинејџерот можеби подигнал полициска граната, која потоа му експлодирала во раката. Истрагата треба да утврди како точно дошло до експлозијата.

Ученикот бил итно префрлен во болница во Лил, а неговиот живот не е во опасност.

— реклама —

— реклама —

Протестите на учениците во Франција траат веќе трета недела, а средношколците протестираат поради недоволното финансирање, пренатрупаноста во училиштата и лошите услови во образовните установи.

Префектот на департманот Па-де-Кале, Франсоа-Ксавие Лос, не ги коментирал точните околности на инцидентот, но изјавил дека меѓу 200 и 250 демонстранти фрлале различни предмети кон полицијата.

— реклама —

Организациите за човекови права, пак, ја обвинуваат полицијата за употреба на прекумерна сила против малолетници, вклучително и палки, солзавец и оружје што испукува гумени куршуми.

Властите водат и други истраги поврзани со полициските постапки. Меѓу нив е и случајот со 16-годишно момче кое се здобило со повреда на окото откако полицијата, според наводите на неговите пријатели, испукала гумени куршуми кон толпата демонстранти.