(Видео) Кандидат на листата на СНС затекнат со паралелни избирачки списоци во Вршац

Пријави за наводни двојни избирачки списоци во Вршац предизвикаа расправии во близина на избирачки места, откако граѓани пријавиле лица кои во паркирани возила имале документи за кои тврдат дека се паралелни избирачки списоци.

— реклама —

Во населбата Павлиш, граѓани забележале лица во автомобил со такви списоци и побарале да им ги покажат документите. На снимките што се шират на социјалните мрежи се слуша расправија, при што лицата во возилото одбиваат да ги предадат списоците. Кога граѓаните најавиле дека ќе повикаат полиција, еден од мажите се заклучил во автомобилот.

— реклама —

Претходно, во близина на друго избирачко место во Вршац бил снимен и Иван Грујин, кандидат на листата на СНС „Обединета Србија“, за кого граѓаните тврдат дека во возилото имал паралелни избирачки списоци.

— реклама —

На видеоснимка објавена од студентите на Факултетот за технички науки во Нови Сад се гледа возилото на Грујин, кој, според нивните тврдења, имал такви списоци. Тој бил заклучен во автомобилот, додека полицијата не дозволувала никој да му се приближи. На местото бил присутен и адвокатски тим, објави „Нова.рс“.

Според неофицијални информации на медиумот, на местото имало околу 20 полицајци, а на Грујин на крајот му бил одземен списокот.