(Видео) Крст во чест на 63-те жртви од „Пулс“ поставен на влезот во Кочани: „Ќе нè потсетува на болката и трагедијата“

Во непосредна близина на дискотеката „Пулс“, на влезот во Кочани, е поставен голем крст во чест и спомен на загинатите во трагедијата што го погоди градот.

Крстот е висок 17 метри и широк 12 метри, а го освети митрополитот Брегалнички г. Иларион, заедно со свештенослужителите од храмот „Св. вмч. Георгиј“ во Кочани.

— реклама —

Тој посочил дека спомен-обележјето ќе остане и како потсетник на болката што ја остави трагедијата во Кочани.

— реклама —

View this post on Instagram

„Овој крст ќе нè потсетува и на болката и трагедијата што се случи овде во нашиот град. На повредените нека им подари здравје, сила и поткрепа да закрепнат и дај Боже постојано да останеме во заедница, во љубов со Бога, со силата на крстот со којшто е победена смртта, да ги победуваме сите искушенија и страданија во овој свет“, истакнал митрополитот.

— реклама —

Крстот е изграден со поддршка од Брегалничката епархија, општествено одговорни компании и Општина Кочани.

— реклама —

Општината ја обезбедила проектната документација и потребното одобрение, односно решение за поставување на спомен-обележјето.

Трагедијата во дискотеката „Пулс“ во Кочани се случи на 16 март 2025 година и однесе 63 животи, а повеќе од 200 лица беа повредени.